👌🏼麵包籃：有三款選擇。個人覺得軟包比較好，其他兩款普通。牛油頗香。另外仲附上一個香草乳酪醬，味道正常。
前菜
份量比較細，每樣可以點兩樣，可以少少Potion試吓。
💯🤩吞拿魚、牛油果醬、乾蔥醬汁 - 呢個非常好味！細細片嘅吞拿魚撈埋牛油果醬同酸酸甜甜嘅汁，再加一啲炸蒜&炸蔥，撈埋一齊味道好有新鮮感，有層次又好味！可惜顧住食冇影到相，可以睇另外upload嘅片。
👌🏼Casear Salad - 正常味道。
👌🏼牛肉薄切 - 生牛肉片非常非常薄，上面加咗酸甜甜嘅cream。味道係唔錯嘅，賣相都靚，就係太薄太薄啦吧。
👌🏼絲翠奇亞乳酪、蕃茄、檸檬 (+HK$28)
普通嘅cherry tomato撈埋喺Stracciatella cheese裏邊，加少少香草味橄欖油。味道正常。個人覺得要加錢就唔值得嗌呢個。我會建議寧願揀兩個吞拿魚牛油果。
熱頭盤
😋龍蝦湯 - 味道非常濃郁，有少量龍蝦肉彈牙爽口有味。
😋乾蔥魷魚 - 味道幾濃郁惹味。
😋田雞腿 - 比較強烈牛油嘅香味，田雞腿肉好滑。但味道偏淡。
👌🏼日本帶子、紫菜 (+HK$58) - 帶子都嫩滑，味道比平時食到多少少紫菜味。味道可以，但唔值得要加$58先得一隻。
1
主菜：
😕龍蝦濃湯麵 - 味道普通，唔濃郁，淡淡地嘅龍蝦意粉味道，唔算出色。
🙁黃油雞巴斯克醬汁 (+HK$58)
唔係焗雞果種乾身嘅口感，係撈埋蕃茄紅椒醬一齊。味道有啲中式。有兩片冇皮嘅雞肉比較嚡口又冇咩味，另外再有兩片有皮嘅雞髀肉，因爲個皮整得幾好味，將個味道層次提升咗。份量好細。結論係唔使加錢點呢個。
甜品：
😋覆盆子醬開心果慕絲：
相比起坊間一般嘅開心果甜品，呢個冇咁甜，突出咗開心果嘅原本nutty 嘅味道。唔錯。
😋牛角酥窩夫、焦糖海鹽醬：
牛角包窩夫整得幾香甜，質地煙煙韌韌，有d 彈牙，唔錯。
整體來講，環境加埋菜式整體都唔錯。但係要加錢果d item 上面講過反而冇咩特別，建議唔使特別加錢試。
環境：★★★★☆
食物： ★★★★☆
性價比： ★★★☆☆
推介度： ★★★☆☆
440
