皇悅小廚

营业中

休息中

見有7折coupon,尋晚訂左位去試下,7點3去到,但counter無人係度,要等一陣,地方算細,一眼已經望哂。食物分開3類:熱盤、甜品同冷盤。每人送半隻芝士焗龍蝦配露筍(龍蝦幾鮮甜彈牙,川上之係todai食好好多,仲有蝦膏tim,芝士都好香)熱盤有15款左右,其中有好有唔好,食過燒鱔(唔錯但只係出左一次),白汁海鮮意粉(好多海鮮不過d意粉唔夠味),野菌粟米炒飯(都係唔夠味,仲有d乾),蒜香乳鴒(淡左d),炸蟹蚶(同平時食的唔同,無咩味),蒸魚(好大條,ok),牛肌骨(ok),燒牛肉(無試),燒羊架(唔太so,好腍) 沙律方面都有好多款,印尼、泰式,日式,法式,意式,壽司真係唔得(唔係珍珠米,又實,無落醋,款式少,兩個鐘都係個幾件) 甜品唔算少款,有鮮果撻,吉士puff,朱古力mousse(苦苦地),pancake(整定一塊塊係度任你加配料),tiramisu(沒有酒香),cheesecake(芝士唔夠濃),椰汁西米糕(怪怪地),好多款生果(西瓜夠甜,菠蘿都好多汁,士多啤梨酸酸咪咪)整體上有少許失望,服務都唔錯,收碟好快。