翠園 (MOKO新世紀廣場) (已結業)

放平日，於是同阿媽去翠園飲茶。 翠園一定要等位，只係等幾耐。 今日較好彩，等咗三個字度咋。 開完茶之後就係要四處張望，睇吓點心車有咩食。 今日啲點心唔太啱心水，只係要咗蝦餃、蝦腸、菜苗餃同楊枝金露。 我覺得點心好一般，蝦餃無荀粒但有好多肥豬肉。 蝦腸皮好厚，唔算滑，啲雪蝦無乜味。 菜苗餃就唔錯，爽口。 楊枝金露。。好甜喔喔喔。。。由於叫得太少點心唔夠飽，所以叫咗個燒腩仔米粉。 燒腩仔又真係好正喎！！！皮脆，又係五層肉。 不過個“上湯“米粉就好淡，完全飲唔出係上湯，似鹽水多啲。