影片
更多
2018-04-06
928 浏览
我好少食越南野，因為我覺得唔岩我食，種類唔夠多元化，今晚收工Daniel仔話想食越南野，我地撞下撞下就去左一間係1樓既越南餐廳～打開Menu，幾得意喎！d粉分開幾個唔同Size，有Regular，L，XL，XXL，雖然Daniel仔大食，但係我地都好溫文咁叫左個L，「特色牛湯粉」，配料好豐富，絕對岩晒牛控，生牛肉、牛坑腩片、牛筋片、手打牛丸、牛腩邊同牛柏葉！！首先個碗相當大，份量都足夠兩人食，每人都可以食到兩碗，牛湯無乜味精，充滿好香既牛味，我都忍唔住飲左半碗！配料我最中意牛坑腩片，好爽！一d都唔靭，肥膏都無乜！粉有得揀金邊粉or河粉，我地揀左金邊粉，細細條索晒d湯，味道一流！Daniel仔提議食個小食拼盤，$98有2隻越式牛油雞翼、2塊手打蝦餅、4條春卷。真係要讚下「手打蝦餅」，蝦餅內藏幾隻蝦，係真蝦肉！蝦肉一d都唔梅，好新鮮，蝦餅內仲有d汁咁好juicy！牛油雞翼皮好脆，雞翼內充滿牛油味，好香好滑～！因為罪惡感太重，所以之後點多個沙律，「柚子鮮蝦沙律」雖然$75，但好大碟架！本身我以為係沙律面有d平日飲既柚子蜜既碎，點知真係有d新鮮既柚子肉架！酸酸尾尾咁，好特別！d沙律菜就甜，
我好少食越南野，因為我覺得唔岩我食，種類唔夠多元化，今晚收工Daniel仔話想食越南野，我地撞下撞下就去左一間係1樓既越南餐廳～
打開Menu，幾得意喎！d粉分開幾個唔同Size，有Regular，L，XL，XXL，雖然Daniel仔大食，但係我地都好溫文咁叫左個L，「特色牛湯粉」，配料好豐富，絕對岩晒牛控，生牛肉、牛坑腩片、牛筋片、手打牛丸、牛腩邊同牛柏葉！！首先個碗相當大，份量都足夠兩人食，每人都可以食到兩碗，牛湯無乜味精，充滿好香既牛味，我都忍唔住飲左半碗！配料我最中意牛坑腩片，好爽！一d都唔靭，肥膏都無乜！粉有得揀金邊粉or河粉，我地揀左金邊粉，細細條索晒d湯，味道一流！
Daniel仔提議食個小食拼盤，$98有2隻越式牛油雞翼、2塊手打蝦餅、4條春卷。真係要讚下「手打蝦餅」，蝦餅內藏幾隻蝦，係真蝦肉！蝦肉一d都唔梅，好新鮮，蝦餅內仲有d汁咁好juicy！牛油雞翼皮好脆，雞翼內充滿牛油味，好香好滑～！因為罪惡感太重，所以之後點多個沙律，「柚子鮮蝦沙律」雖然$75，但好大碟架！本身我以為係沙律面有d平日飲既柚子蜜既碎，點知真係有d新鮮既柚子肉架！酸酸尾尾咁，好特別！d沙律菜就甜，青瓜蘿蔔就酸，食呢個沙律好開胃！
张贴
