Food Garden ETC (已結業)

除左行市集之外，相信大家都比較少黎D2place食飯，1期3樓有好多唔同菜式既餐廳，過開黎都推薦大家黎呢邊搵食！呢間又係一間收埋係角落既西餐廳，位置稍為隱蔽。燈光昏暗，裝修同氣氛都幾有情調。食物選擇唔算多，亦都唔算少，特別係牛肉有幾種唔同部份選擇。我同朋友就揀左從來無叫過既牛腰肉。美國牛腰肉已經預先切好上枱，份量唔算多，配菜係黑醋汁火箭菜。今次都係叫左5成熟，煎得明顯剛剛好，火候控制得好。牛腰肉咬落去稍為有啲肉既纖維既口感，但唔係好似牛肩之類好粗身既感覺。牛味幾香，煎得亦香，點少少鹽食已經好好味。冬陰公汁海蝦帶子意粉海蝦同帶子新鮮，有咬口。意粉既軟硬程度亦掌握得好，煮出黎彈牙亦掛到汁，唔會好淋身。但汁既本體我有少少失望，如果唔講係冬陰公汁，我會覺得好食，帶啲椰香味，亦都有少少酸味同辣味，醬汁偏濃稠，同意粉融合得好。但就唔夠冬陰公既味道🙈🙈如果改做更重口味既會更好。黑松露薯條黑松露醬比得唔少，薯條正常發揮，呢個配搭基本上無得輸。