Food Garden ETC (已結業)

去完D2 Place嘅天台影相順便落嚟食下野！其實疫情之後已經冇嚟過，估唔到原來呢度已經新開左好多間餐廳，花多眼亂之後見到見呢間Food Garden ETC門口都幾多人排隊，而且裏面覆返花牆都幾吸引，所以試吓啦！松露野菌忌廉汁長通粉好香濃嘅野菌味，再加埋黑松露真係超香! 朋友好鍾意食菇菌類，所以啱晒佢！可惜個醬汁比較稀（個人比較鍾意Creamy)同埋長通粉如果再淋小小會更加好味！安格斯西冷牛扒（8安士）想睇埋相都好吸引，不過本身我哋叫咗五成熟，但嚟到好似偏熟咗少少，但勝在牛味都濃郁同埋juicy既，始終安格斯都係信心嘅保證！半碟有蕃茄乾同埋沙律菜，牛扒調味料方面就有海鹽同埋佢哋特別調製嘅燒汁，都幾好味😋水牛城雞翼呢個估唔到真係出奇地有驚喜！雞翼好香脆，水牛城醬汁味道酸酸辣辣好開胃！佢哋秘製嘅芝士汁醬真係好好味😋有啲似千島醬，點雞翼、西芹或者紅蘿蔔都超好味！