Chill Vietnam Cuisine and Bar

营业中

休息中

去完D2Place睇戲，見到有間越南餐廳又試下先。 家鄉煎墨魚餅：色澤呈金黃色，墨魚肉結實有彈性，口感Q彈。 香茅蝦棒🦐：香茅蝦棒用咗個鞦韆掛架盛載住，玩味十足。蝦滑爽口彈牙，蝦膠中心亦滲著淡淡香茅嘅味道。 黑糖椰青燒豚肉串🐖： 豚肉肉質鮮嫩多汁， 肥美可口，烤嘅程度恰到好處，配合埋新鮮椰青肉同埋黑糖醬汁，份外香甜。 牛板腱火車頭雜錦牛河：食越南菜必點嘅火車頭，材料包括牛板腱🐮、牛丸、牛栢葉，十分豐富，湯底充滿濃郁嘅牛骨味，河粉爽滑，另外加上青檸，令整體味道更添層次。 椰汁叻沙葉燴青口伴炸油條：呢個菜式賣相非常特別，個油條係用一個掛架掛住，然後比你剪開個油條點汁嚟食。個汁椰香味十足，青口非常新鮮飽滿，令人非常有驚喜。