滋味屋日本家庭料理 (已結業)

最近係D2 place覓食既時候發現到呢間小店《滋味屋日本家庭料理》，而且價錢唔貴，推薦溫泉蛋鰻魚飯($58)；鰻魚份量算多，碗埋蔥同溫泉蛋，每一啖飯都好豐富，鰻魚汁都唔會太咸/太甜，好食！另外男朋友食左滑蛋吉列豬扒飯($55) 呢個我個人就覺得麻麻地喇；相比起鰻魚飯會乾身啲淡口啲，不過男朋友就鐘意食 人人口味唔同～每個飯都會送一碗麵豉湯/日本茶，麵豉湯就普普通通啦，冇乜特別。小店得一個姨姨一腳踢，可以堂食/外賣，姨姨都好熱身好好禮貌，大家經過既都不妨一試～整體評分：6.5/10