Food Garden ETC (已結業)

今日去開荔枝角做野，就係付近食個lunch。D2入面搵到比較隱蔽既西餐廳，睇過menu後就決定試下佢。Lunch menu 既選擇都幾多，價錢就大概100左右。餐廳環境都幾好，坐得都幾舒服。加拿大豬鞍架呢個豬鞍架有驚喜，豬本身比較難煮，佢呢個時間煮得啱啱好，外面脆脆地，內面十分軟滑多肉汁，仲有少少grill既香味。而伴菜既薯菜都有唔少，值得推介！龍蝦意粉一上枱就好有睇頭，有半隻龍蝦係意粉面，佢龍蝦鉗都有拆肉放埋喺上面，好適合打卡影相！龍蝦食落都有grill 味。前菜有湯或沙律個人推介沙律，份量唔少而佢仲有啲黎麥粟米喺上面。餐包碟係暖既而嘢飲方面佢跟餐嘅就有水果茶，佢水果茶都幾好飲。