麵軒 (已結業)

琴日，同細妹2個出去行街去食野，11點幾去到，果時可能早，無乜人。咁我地叫左個蜜糖雞翼同雞絲麵加鹵水鴨腎&豬耳，落單果時都已經講左蜜糖雞翼耐d，諗信佢都會講比我地聽，d service 都唔錯啦~ 點知.....首先係鹵水鴨腎&豬耳到先，d鹵水鴨腎又"林"又鹹，完全唔似鹵水，似士油多d囉~ 等左差唔多10分鐘，我個雞絲麵先到，d雞絲多得可憐，比起旺角同尖沙咀間舖，少一半有多，食啦~ 個湯勁鹹，d麵又未熟曬，有d仲係癡住既，不過睇在好肚餓份上，算數，最後個蜜糖雞翼先到，我地一路係到食啦~ d staffs 已經早談闊論，基本上當間舖無人咁，都算喇~ 點知突然有個staff 好大聲係到講，'我去"all"屎屎'，大佬，我食緊野嫁，你都無理由咁講呱，聽完之後都唔係好想食囉~食完野啦～　去啦，出去埋單，企係收銀果個staff係到睇緊magazine，我行去過去先收起，我見佢門口寫住學生有９折，咁我咪問佢係咪學生有平囉～　佢當聽唔到（我肯定佢聽到），之後我死都唔肯比錢，問多佢一次，唔知佢係咪見到我唔比錢佢先話係，愛覺得唔係錢既問題囉，不過你比起lee個service我，我就有權去用囉，唔洗當聽