北海道十勝豚丼 (已結業)

星期日晚八點左右，我同朋友兩個人諗住去試下呢間野，但入面爆滿，只好o係出面等一陣。o係我地前面仲有一 pair 男女等緊，大約等左五分鐘到，後面黎左四個人，無排隊大搖大擺走入去其中一張吉枱坐低 由於佢地行入去o個陣我以為佢地有朋友黎左，所以無理佢，見佢坐低先知佢地係打尖，我前面o個 pair 男女即刻同 d 員工講話o個四個人插隊，店員唔理，仲繼續招呼佢地。跟住我睇唔過眼，走去同店員理論，個店員同我講就黎有位，叫我等多一陣。大佬，呢個乜野世界，人地打尖你可以唔理，佢地係客，我地出面幾個等緊唔係客呀，完全唔知呢間野點做生意，我同朋友即走！以後 blacklist 呢間垃圾！