有骨氣火煱專門店 (已結業)

因此朋友有恆生咭有88蚊任食，不過就唔包湯底同埋牛肉。雖然話唔包牛肉，但佢有個任食既二人set，裡面都有少量既牛肉，同埋我地四個人就送左一碟肥牛。另外叫的話好似都係40蚊左右……個任食list好多都係丸類既野，有佢地最出名既叉燒包同奶黃包~~除此以外都仲有好多唔同種類既丸﹑青口﹑魚片﹑金針……雖然冇牛肉任食，不過我覺得都OK呀~~~我地食足2個鐘食到勁飽~~><不過唯一係佢地既服務態度真係麻麻地，好彩都有個哥哥仔都好人，幫我地跟單都跟得幾快。同埋佢樓上舖同樓下既裝修差好遠law，樓下勁靚，樓上就勁頹。可惜我地今晚就係住上面……>< 走果時見到樓下有d位有埋LCD電視可以睇埋波~~如果冇88蚊任食我諗都會幾貴，所以正價的話我會去稻香打law。