水門泰式海南雞飯專門店 (已結業)

早幾日咁啱行過見呢間無乜人排隊買，而一向門口都長期有幾個人排隊嘅，咪又去買吓囉，買咗個泰式去骨海南雞例牌，份量都算ok嘅例牌呢講，盛惠$45，攞到返屋企食咗幾嚿有少少血嘅，都覺得ok, 因為d肉都好嫰，不過嚿嚿都「痴」住，切得唔好囉，食時都幾麻煩，點知食吓食吓到扎住喺下低嗰幾嚿，係完全唔熟，直頭係生嘅，最後要開煲水淥熟佢。如果唔論熟定唔熟，其實d味都係普通嘢，隨便喺街事但一間都係咁上下。另外收錢嗰個態度超差，好似唔願賣咁。呢間嘢有極大進步空間，不過我一定唔會有下次幫襯囉！