鹿鳴春飯店 (已結業)

今晚有朋由遠方來, 緊係同屋企人一齊出去食餐好野開心下啦, 9點上到鹿鳴春, 之前有好多次屋企既飯局都係呢度食, 開頭食都OK既....味道冇乜點變, 水準都仲係度, 但係唔知點解D菜越上越快, 好似好想快D收工咁喎, 食到我"質"落個肚都都"質唔切! 仲要我地岩岩上完片皮鴨!!都未食完就上左個甜品高麗豆沙, 嘩....大佬呀.....我主菜都未食完你同我上甜品???跟住個樓面呀姐又係咁係我個頭左右邊係咁收杯呀收呢樣收果樣.....仲要唔小心撞到我個頭tim....都算啦.....之後食食下都無啦啦熄燈, 我地問佢點解會熄燈個樓面叔叔又黑我地面, 咩意思先...我地黎請朋友食飯, 你又要上菜上得咁鬼快, 搞到我幾醜呀, 請人食飯都好似好趕咁, 我地大大話話都黎過好多次....次次都叫好多野, 又帶紅酒黎, 今日居然咁樣趕我地走, 佢地熄我燈果陣先十點幾, 但係明明佢就開到十一點先關門既, 下次都應該唔會再黎喇, 我地俾咁多錢出黎食飯唔多唔小都想要有D好D既服務, 估唔到又上菜急~又熄我地燈~ 下次都係去過第度算