上壽司 (已結業)

上星期三同老公食晚飯，佢推介上壽司，話中午d set好好食，所以帶我去試下。我哋七点鐘去到，無セ人，個waitress安排咗我哋去張二人枱坐低。我哋先点咗好幾款壽司，有我嘅至愛北寄貝、杜丹蝦、劍魚同唔同款式嘅軍艦，我老公就点咗八爪魚，仲有好多唔同嘅魚壽司，當中包括火炙三文魚腩，跟住我哋又点咗牛肉火煱加烏冬，個manager見我哋点咗唔少嘢就好醒目咁安排我哋坐張四人枱。d壽司好新鮮好好味，我老公極力推介火炙三文魚腩，因為我個人比較抗拒熟三文魚陣味，所以我唯有免為其難試一口，結果出奇地甘甜，一d腥味都無，好香好好味，比生三文魚仲好味。食完壽司，個牛肉火煱到喇，oh！一睇之下セ同幅圖差咁遠，分量差好遠，碟烏冬要加$20，不過得幾條，似乎有d揾笨！整體嚟講d食物唔錯，不過我建意d壽司師傅可以帶下口罩，咁會衞生好多。