嚟金百利食飯 發現多數人食日本菜 我就覺得味道還好🤣 今次睇岩左間酸菜魚專門店 冇咩人排隊 反而有意外驚喜⁉️😳
冰鎮咕嚕肉 $128
本身揀咗鮮果咕嚕肉 老闆推介佢哋嘅「隱藏餐單」😂 冰鎮更加解膩咁話😎 味道酸甜爽脆 因為凍食更加食到菠蘿果香 口感外脆內軟 瘦肉大大嚿 而且食得出肉質軟腍😚 喺香港都好耐冇食過咁好食嘅咕嚕肉 推介‼️‼️
酸菜魚 $238
嚟到就梗係要食酸菜魚 必須講嘅係 呢度魚肉比起出面真係特別多 魚肉冇骨軟冧 湯底有傳統風味 深刻係油香極重 帶出到魚湯嘅甜味 中辣岩岩好👍🏻 除咗紅薯粉少咗啲 完全冇嘢挑剔😁
黃金軟殼蟹 $115
碟碟有驚喜 女朋友話想食鹹蛋先叫 估唔到又係硬菜😆 蟹肉鮮嫩 蟹黃又多 炸過後熱辣辣 香脆可口 配上香濃鹹蛋黃 本身預咗佢會好膩口 但係驚喜在外皮乾身 油水全部包覆喺蟹肉 一咬爆油😻😻👅 推薦試吓～
