影片
更多
2017-07-11
2813 浏览
我上星期收到Magmar 張傳單，就咁睇真係完全唔似酒吧，直至我上到去先發覺係間100%既樓上酒吧！都幾好feel架，燈光好有mood~有幅LED既牆係有movement既火，好有動感。可能因為餐廳仲好新，好似運作上有少少混亂：首先我舉曬手同講：「唔該落單」，但都無人留意到，差唔多3-5分鐘；第二係d staff不停攞餐具俾我地、足足攞左三次；第三我地坐坐下要調我地d椅、其實如果有唔同booking應該一早set好曬所有座位。之後碟snack又係令人好費解，以前既K房都會焗收你snack錢，可能俾人投訴得多、宜家都無呢支歌仔唱啦。但Magmar會焗你要一碗蝦片><其實之前去其他酒吧都未有過類似情況，算啦，見10蚊一位而且任添就算啦…當客人order小食先開一包新既俾佢地會唔會更好呢？事關我見佢地將蝦片放曬去一個大盒成日開開合合，難怪唔夠脆身。今晚無飲酒，叫小食同串燒算啦…因為第二日仲要返工。先叫左個菠蘿雞肉炒飯，黎遠都聞到香味，但擺到落口就完全不似預期….味道其實唔錯，但係飯既口感好差，唔係炒飯質地更加比白飯質地更濕潤。當成有汁飯食又唔得，因為飯質地實在太怪，除左濕仲好
我上星期收到Magmar 張傳單，就咁睇真係完全唔似酒吧，直至我上到去先發覺係間100%既樓上酒吧！都幾好feel架，燈光好有mood~有幅LED既牆係有movement既火，好有動感。
可能因為餐廳仲好新，好似運作上有少少混亂：首先我舉曬手同講：「唔該落單」，但都無人留意到，差唔多3-5分鐘；第二係d staff不停攞餐具俾我地、足足攞左三次；第三我地坐坐下要調我地d椅、其實如果有唔同booking應該一早set好曬所有座位。
之後碟snack又係令人好費解，以前既K房都會焗收你snack錢，可能俾人投訴得多、宜家都無呢支歌仔唱啦。但Magmar會焗你要一碗蝦片><其實之前去其他酒吧都未有過類似情況，算啦，見10蚊一位而且任添就算啦…當客人order小食先開一包新既俾佢地會唔會更好呢？事關我見佢地將蝦片放曬去一個大盒成日開開合合，難怪唔夠脆身。
今晚無飲酒，叫小食同串燒算啦…因為第二日仲要返工。先叫左個菠蘿雞肉炒飯，黎遠都聞到香味，但擺到落口就完全不似預期….味道其實唔錯，但係飯既口感好差，唔係炒飯質地更加比白飯質地更濕潤。當成有汁飯食又唔得，因為飯質地實在太怪，除左濕仲好似粉咁散開…放棄吧啦。
杯名叫Green Lady 既mocktail好正呀~果然酒吧係應該飲品比較出名。賣相好吸引，綠色星星攪棒、加埋青青地既飲品….睇住梳打入面既泡泡慢慢上昇，好養眼。飲落夠曬凍，所以唔覺甜-簡單直接地係清新既青蘋果味，但係唔好貪耐飲點就不停加水呀，因為冰溶左之後好容易太淡。
嘩！串燒黎啦！最受觸目既當然就係呢個燒原條粟米！$20蚊一條又真係幾抵，燒完表面有焦香。而且粟米顆粒比較細同密集，入面既汁都好豐富，食完一D渣滓都無。但我非常傳統，都係鐘意燒粟米係要配牛油，好可惜Magmar既粟米應該無用到牛油，加少少應該仲惹味。
負責食肉既朋友仔話肉類食品比較平凡，無咩驚喜。﹝燒秋刀魚同燒雞軟骨﹞
最後要講既焗牛油雜菌令我好唔開心…我原本好期待架，食剩左四份三包。我夾第一條菇既時候覺得完全無味、夾第二條夾就好咸……好明顯無撈勻啦。最慘係除左呢兩條之外、其實我食既四份一包都係好苦….希望改善下;(。
蝦片
92 浏览
0 赞好
0 留言
green lady
86 浏览
0 赞好
0 留言
菠羅雞肉炒飯
58 浏览
0 赞好
0 留言
燒原條粟米
58 浏览
0 赞好
0 留言
张贴
