金金日式燒肉店

营业中

休息中

其實都有一段時間無食燒野食，相比大眾化既燒肉放題，個人更鐘意單點。果味一口牛， 牛肉粒厚切，味道好濃郁。食得出係高級牛肉， 口感軟林亦充滿果香味。什錦燒肉盛盒， 呢個set最抵食， 有香草雞肉，鹽蔥豚肉， 燒汁牛肋骨，澳洲和牛同埋鹽燒牛舌。睇見都流曬口水，仲試到唔同嘅口味添。最好食係鹽燒牛舌同埋澳洲和牛，口感爽嫩，又帶嚼勁，食到停唔到口。法式香草羊架， 充滿香草味。味道小小騷，但可以接受，肉質爽實唔鞋口。有機蔬菜拼盤 ， 食得多肉類都要食番啲菜嚟中和下嘅。 拼盤包左粟米，矮瓜，翠玉瓜，蘿蔔同洋蔥， 蔬菜平價，但勝在夠新鮮。 店員會為我哋預備好蒜蓉牛油同埋錫紙兜，咁就唔會燒燶晒喇。黑松露和牛炒飯， 我哋初時以為齋食燒肉會唔夠飽就叫咗個和牛飯。 點知炒飯鬼咁大碟，食到我哋飽曬。 個飯炒得好香，每啖充滿咗和牛嘅油脂，加上黑松露，香口之餘亦夠味。最後仲試埋佢呢度嘅自家製海鮮煎餅。 煎餅勝在佢啲餅唔係好厚身， 餡料亦好足料， 食落口感軟熟，有層次。 而且外皮好脆香口， 加左沙律醬同蕃茄醬 又唔覺太過熱氣，整體不錯。