影片
更多
2022-02-25
160 浏览
是日黎左海之戀商場補給物資，呢個場超多民生野賣，當然食店都唔少，買完野去食個Tea先回家。吖…原來前身的凱柏冰室已改名做海灣冰室，價錢無乜變，仲多左野食揀添。自己叫左呢個大碟飯系列，揀左雞扒併煎蛋午餐肉洋蔥汁薯菜，黎到賣相就一般啦，勝在夠大碟，可能睇相唔覺，其實超多薯條，哈哈，即炸㗎又香又脆。朋友叫了牛魔王焗飯，因為即焗製作需時，上枱好香喎，超多芝士正呀，黑椒汁香口，個鐵煲仔焗起上黎仲有飯焦添，幾好味。見隔離枱食蛋餅好正咁，我地又後加了一份，揀左呢個韓式春川辣雞起司蛋餅，蛋餅煙韌有咬口，雞肉同芝士都唔少，咬落仲有拉絲效果添，辣辣地夠惹味。天氣咁凍餐飲就要熱飲啦，自己呢杯係熱檸茶，茶底又香又濃幾正，朋友個杯係熱檸薑樂，影起上黎好似唔多覺眼，但入面有唔少薑粒㗎，仲好香薑味添，第一次飲檸樂薑又幾得意喎。加單張單無影到添，人均消費一百左右啦，食得好飽呀～
吖…原來前身的凱柏冰室已改名做海灣冰室，價錢無乜變，仲多左野食揀添。
自己叫左呢個大碟飯系列，揀左雞扒併煎蛋午餐肉洋蔥汁薯菜，黎到賣相就一般啦，勝在夠大碟，可能睇相唔覺，其實超多薯條，哈哈，即炸㗎又香又脆。
朋友叫了牛魔王焗飯，因為即焗製作需時，上枱好香喎，超多芝士正呀，黑椒汁香口，個鐵煲仔焗起上黎仲有飯焦添，幾好味。
見隔離枱食蛋餅好正咁，我地又後加了一份，揀左呢個韓式春川辣雞起司蛋餅，蛋餅煙韌有咬口，雞肉同芝士都唔少，咬落仲有拉絲效果添，辣辣地夠惹味。
天氣咁凍餐飲就要熱飲啦，自己呢杯係熱檸茶，茶底又香又濃幾正，朋友個杯係熱檸薑樂，影起上黎好似唔多覺眼，但入面有唔少薑粒㗎，仲好香薑味添，第一次飲檸樂薑又幾得意喎。
加單張單無影到添，人均消費一百左右啦，食得好飽呀～
张贴
