太平洋咖啡 (已結業)

細路仔o既時候已開始被英國Jacob’s朱古力橙餅o既美味迷住…時至今日…仍喜歡香橙朱古力o既獨特香氣, 多少亦因為有份情意結…三月份PCC推出最新果香口味Mochorange, 就係香橙莫加咖啡耶!?...又屬熱飲, 即時心動!! 趁今日周五放假前夕, lunch就叫一杯o黎嘆嘆先…聞到熟悉o既味道已先開懷, 啖落係甜甜朱古力帶微微橙香味, 正正係我想要o既味道呀…面層有雪白忌廉再加朱古力醬…不得不提, 雖然味道吾錯, 但都真係好甜架…對於平時只飲齋啡o既我黎講, 今日叫放肆一下, 就當食左排朱古力啦!!...甜到開眉!!…相信所含糖份已足夠成人一個月o既所需呢…哈!!...順帶一提, 二月起PCC開始搞個別具意義叫<Read More讀多一點>o既活動去推動閱讀文化…特選分店會放置書籍, 歡迎客人借閱帶走…閱後歸還!!...開正我的路, 當然全力支持啊!!