木船 (已結業)

平時去大埔食飯, 都係去揸車去大尾督果邊。 今次個朋友要返工, 就佢黎太和呢邊食嘢,今次去食呢間朋友推薦既泰國菜，佢平時LUNCH 去食，個個同事都食到食指大動。大概545PM係大學站整完野, 就坐火車去太和, 615pn去到木船已見有人在等位了, 幸好2 個人唔洗等, 直入,90分鐘交枱。溶岩椰青海鮮焗飯友人極推呢個海鮮焗飯, 佢賣相非常吸引,一黎到完全無令人失望,而側邊既係裝左原個椰青既椰青水,說明了每個椰青係即開即整,唔怕佢外殼翻用,面頭放左蝦,青口,帶子同芝士輕焗左一下,海鮮隻隻都好大隻,食啖飯係濃郁既椰漿味, 連炒飯底都係被椰漿汁沾滿,而且食既時候會食到爽爽既椰青肉,整體食落甜甜地好開胃,份量都非常多,好好食,推介啊！ 泰式柚子沙律個碗係好深，食極都仲有！酸酸地, 好開胃。 鮮蝦炒金邊粉賣相好吸引,金邊粉嘅外層被蛋包住,少少辣辣地好惹味,蝦肉好彈牙,份量都好夠.