Espresso Alchemy (美麗華廣場1期)

营业中

休息中

估唔到美麗華商場地庫有咁多間coffee shop，今日就試吓新開嘅Espresso Alchemy。店舖裝修亦配合返店名，裝咗好多烏絲燈膽，令人置身於科幻中煉金術場所嘅感覺。因為疫情關係店中冇乜人幫襯，由於想看看店舖拉花技術如何，就決定冒住再中Omicron嘅風險喺店內用視覺、味覺去享受呢杯熱辣辣嘅Flat White。我叫咗杯喺香港一般連鎖店無得叫嘅Flat White。非常標準，用一個大嘅耳仔杯裝住1 shot espresso, 1 shot 奶，1 shot 奶泡。每樣都係1/3。 成杯Flat White 完全無落糖，都唔會酸唔會苦，飲落有好香的咖啡豆味，飲到最後每一啖都會回甘。呢杯Flat White就係我喺澳洲時飲過嘅味道。拉花亦相當之漂亮，圖案沒有後期嘅修補，相當有水準。以$39 買到呢杯咁有水準嘅Flat White，值得一讚。 如喺金鐘，要飲到呢種Flat White 水準，都要比成50幾蚊。