茶茶居 (已結業)

可能天氣凍卡路里消耗得特別快，肚都快餓d 要去搵食😏 今晚想食中菜，就諗起茶茶居。茶茶居裝潢設計走新派劃菜路線，門口一排開放式廚房，可以見到師傅們專心製作點心。而且好企理，自自然然吸引我們一班食客品茗。 今晚叫了二人餐，點了兩個小菜， 大人小朋友都愛的菠蘿咕嚕肉和紅燒豆腐。 份量不少， 咕嚕肉比較肥，不過大小適中，好適合女士嘴型，可以一口食晒。 紅燒豆腐特別要提伴碟的菜芯，又腍又甜又冇渣，好好味。加埋個例湯，淮山杞子係瘦肉，味道有少少偏鹹，不過用料豐富。呢度的侍應服務態度都好親切，有顧客倒瀉水會即刻打掃，發現餐檯腳吾貼地面會立即找東西「sip」好。服務態度好！