阿爺八鮮鍋 (已結業)

今晚跟老公行完油麻地，就去對面登打士廣場食野先。見到餐廳門外，好多明星相，相信都有一定水準既。時令刺身拼盤澳洲龍蝦，鮑魚，立魚，象拔蚌，全部即劏。魚，蚌切片很薄，很通透，刺身夠冰凍，肉質很鮮甜。可惜無得refill,好想食多盤。超級海鮮盒用黎打邊爐既，有南非鮑魚，日本元貝，澳洲龍蝦，非常鮮甜，鮑魚仲係活的。打邊爐後，鮑魚食落去很嫩，很鮮甜，龍蝦肉質爽口，呢個都係無得refill，刺身要快快食，食佢既鮮味。花膠年糕雞煲花膠好大塊，雞件好多都係脾位，醃得很入味，而且很嫩滑。雞煲已經鋪滿芫茜，拌勻後勁香，加上香料很足，我哋覺得少辣已經岩口味。年糕很軟糯，沾滿辣汁很惹味。終於打邊爐，湯底食魚翅冬瓜湯，同樣地一定叫返海鮮，蝦，鮑魚，蟶子，蝦滑，手切牛小排。蝦很新鮮，肉質結實，鮮甜，牛小排重牛味，蟶子都夠大隻，蝦滑仲有蝦仁，基本上火鍋配料都好超水準。無極限海鮮放題真係令到我哋食得飽足，2.5小時任你食，仲要靚海鮮，價錢$318起，真係好抵食。