板上 (中海日升中心) (已結業)

夜晚收左工又係時候去搵好野食，一個人食所以想搵間餐廳可以快快手手食完就番屋企抖下，最後揀左呢間叫"板上"既日式快餐店！門口都有d 人排隊，但唔算太多人都幾多選擇，最後叫左個"板上蒲燒鰻魚飯。珍珠飯", 加幾蚊配左個可樂餅同加多10蚊叫埋杯野飲 - 凍巨蜂乳酸梳打。晚市時間唔算多人，環境都算舒適幾好坐，幾啱3,4個人黎食飯傾計。見到menu 有啤酒，咖啡同蛋糕不過無叫到黎試。終於有得食喇！ 可樂餅好重咖哩味，對於我呢d 鐘意食重口味野既人黎講覺得係好食既！ 配菜仲有栗米粒同中華沙律，唔怕無菜食唔健康呀！ 鰻魚飯黎講條鰻魚都幾厚身同juicy, 唔無好乾身送唔到飯食，正！杯野飲都正常，不過多d冰份量多d 會更好，唔係好夠飲呀...