金滿膳燒味餐室 (已結業)

本身係咁啱行過比佢哋玻璃窗嘅燒味吸引到入咗去，原來咁啱佢哋做緊下午茶仲抵食，出名慳家嘅我梗係慳住男朋友個荷包叫下午茶餐。燒味下午茶只係 $34蚊，可以揀瀨粉、米粉同河粉。男朋友就叫咗招牌脆皮燒腩仔，燒肉外皮燒得好香脆，咬落去仲「索索」聲🤭肉質方面都十分之鬆軟，識落仲有燒肉嗰種鹹香味。而我就揀咗玫瑰油雞皇，雞肉超級滑，食落仲會有啲玫瑰香味，甜甜地咁😳粉面嘅份量都好多，夠晒大碗，麵質煮得啱啱好，唔會太淋又唔會太硬。