越風味地道越南料理

营业中

休息中

近來發現到呢間係砵蘭街嘅越南餐廳口味正宗，CP值高⭐️佢嘅裝修同一般嘅粵式小店大同小異勝在乾淨企理枱面上放咗唔同口味嘅越式醬料。特級手切生牛肉河呢個湯底真係一流，清澈鮮甜重牛骨香，好好飲，飲完都唔會口渴。而平時食開嘅生牛肉河，通常都係肥牛薄片，但係呢個係手切既牛肉厚身食落好有口感，牛味又重，I like it❤️香茅豬扒太陽蛋飯太陽蛋最緊要燶邊，豬扒醃得入味，簡單好味👍🏻越式蝦多士多士鬆脆鋪滿芝麻勁香口，中心大大層蝦膠同芝士，食咖停口😋豬肉米紙卷食越南嘢必食米紙卷，米皮煙煙韌韌，入面包住嘅豬肉好香!冰滴咖啡+龍眼茶朋友嘅龍眼茶睇都睇到落足料👍🏻冰滴咖啡個Basic連飲開齋啡嘅我都覺得好濃，溝埋煉奶Mix埋一齊之後完全係另一個口味，又唔會話好甜，但係仍然感到濃香既咖啡味。