泰坊 (已結業)

今日番工， 行過見到呢間餐廳第一日開門營業，樓下有個好似老細嘅人不停叫人上去食嘢 ，我望一望餐牌見到有泰式嘅早餐好不猶豫就上咗去。由於疫情嘅關係，枱與枱之間有發泡膠分隔，可能今日係第一日開張嘅關係，樓面同事都唔係好清楚餐牌嘅內容，我見到有一個泰式牛肉麵，咁我就叫咗呢一個。 上到枱其實我有少少愕然，因為份量都好多吓，味道有少少酸酸地，好有泰國嘅風味，一定好過沙嗲牛肉麵，而且面裏面仲有白蘿蔔，感覺健康好多。可能真係第一日嘅關係，我食完成碗面雞蛋仲未嚟，咁我就問樓面，之後就好快上台，我估係應該之前遺留左。講一講杯奶茶，並不是泰式奶茶而係普通港式的奶茶，味道正正常常但沒有驚喜。 如果下次嚟嘅話，我會試過一個鴨肉河粉，因為早餐食呢一類真係好特別