絆 (已結業)

無得食晚市😌，唯有下午茶時段食餐好，今日去咗呢間《絆 Kizuna》日式料理店，佢哋嘅套餐由$68 ～$98不等，CP值高，環境又不錯😀！迷你蟹肉蟹膏丼/迷你帶子刺身丼～廚師發辦壽司餐！套餐已包括上湯(用鮮魚熬製，濃郁又鮮甜😋）前菜(加入了洋蔥和蘿蔔粒，令薯蓉口感提升)和卷物兩件！而壽司🍣方面，師傅特別提醒客人按次序由淡至濃味進食～三文魚、魚腩、鰈魚、池魚、和牛等等．．件件新鮮美味，尤其是A3和牛，火炙過後肉質特別嫩滑！米飯和醋的分量都處理得好好👍🏻👍🏻！最後食埋個丼飯，🍱蟹肉感覺有點乾身，但蟹膏就超香濃，🍱帶子大大隻好鮮甜，未食完已經好飽肚👍🏻！