吔嘢事無所 (已結業)

灣仔集成中心地下G4號舖，有一間小食店，嗰度嘅厚切三文治好吸引，叫吔嘢事務所，餐廳裏的年青人很用心製作食物給客人，而且親切友善。呢間小食店早餐、午餐、下午茶都有，而且跟餐飲品只需要半價，抵食。我哋叫咗一個好味畢他切勤（butter chicken😂）餐，店主精心自己調校的印度咖喱醬masala，十分適合香港人嘅口味，唔會太辣，入口惹味，加上一塊又大又香嘅雞扒，同埋一啲健康嘅粟米粒，係一個唔錯嘅選擇。呢個餐仲送咗三粒蟲草花雞肉燒賣，我覺得炸燒賣認真唔錯，好好食。我叫咗個倦鳥孜返三文治，佢係主要用孜然粉作調味炸雞，然後加上滑蛋，每份三文治都有椰菜、紅椰菜，食落去好清新健康，孜然粉嘅味好吸引，雞扒有少少辣，味道係好perfect。三文治跟餐要杯凍cappuccino只係需要$14，半價優惠。朋友叫咗一個特別嘅蜜蜜杏加ling煎雞三文治，店主用哈蜜瓜果醬調校醬汁，加上煎雞做三文治，配了紅椰菜絲，我哋加配了糖心蛋同埋煙肉，所以食起嚟甜中有鹹，鹹中有甜，味道唔錯呀！又特別！半價加的特濃抹茶Latte好正。大家行過集成中心，不妨來試試吧，支持用心經營又有創意的小商户！