OPPA韓國燒肉店 (已結業)

放咗學之後，來到太和，約咗一個熱愛kpop既朋友，佢話想食燒肉，上網搵咗搵就選擇左呢間OPPA，因為我之前食過旺角分店覺得都OK ，不過太和店就有少少難搵（可能係我唔熟路)今日係平日啦，我哋就揀咗$238放題燒肉見到頭盤寫住嘅都流晒口水，又有A4黑毛和牛，又有澳洲和牛，仲有鹿兒島牛柳粒添 呢度嘅環境都幾似係韓國食燒肉店，有唔同嘅壁畫，而且可以拎圍裙，以防食燒肉整污糟件衫圍裙嘅設計都幾有特色可以影吓相架食韓國嘢又點少得前菜，分別有芽菜泡菜同埋海帶佢呢度竟然有麻油加鹽😱，仲有少少燒肉醬等等。另外幾特別既係呢度用既燒烤爐係長方型既，我平時食開圓形嗰隻哈哈咁放題其實都包左好多野嘅，但佢本來頭盤已經有好多唔同類型嘅牛，所以其他嘢大家未必仲食得落太多🤔登登登登！呢個就係頭盤啦，而且都好細心有張字條仔寫左牛肉嘅名，唔會食完都唔知自己食咗啲咩啊嘛頭盤方面我自己最鍾意嘅就係澳洲和牛下腹，加拿大牛排骨，A4 黑毛和肩肉同五花腩。由於冇調過味嘅關係，吃到既牛肉都係原汁原味，尤其係五花腩，外面燒得脆，但依然口感彈牙，有肉汁韓式香腸味道都好地道炸醬麵就正常水準，如果青瓜可以爽口啲就好呢個係我私心推介，牛油粟米，