御鐵

营业中

休息中

今晚同閨蜜慶祝生日，佢話想食鐵板燒，作為好朋友的我梗係一早book定枱！餐廳環境闊落，人流多的時候可以分2邊鐵板燒。餐牌上有5個套餐，我揀了B餐！首先來一客季節沙律，碗內有大量新鮮沙律菜、蕃茄仔、海草，還有海蝦仁，醬汁方面可以自選，我就揀了柚子醋，酸酸地十分醒胃。香煎廣島蠔，有4大隻，每隻都非常飽滿，配上櫻花蝦和細蔥花，多了一份口感。南非活鮑魚配海苔醬，鮑魚燒到剛剛好完全唔韌有驚喜！熊本縣A5和牛，和牛油脂多入口即溶，配上大啡菇和露荀能減去油膩感。三文魚籽海膽炒飯飯粒炒得乾身粒粒分明，配上新鮮的三文魚籽和海膽，不錯的配搭。吃完咁多食物後喝上一口清淡的昆布鰹魚清湯，為一這餐完美作結。