HeSheEat (綠楊坊)

营业中

休息中

喺荃湾地铁站附近揾嘢食，一出闸喺绿杨坊就见到间门面好靓好粉红的西餐厅，价钱合理而且仲有好多甜品选择。我哋坐到张好特色的卡位，三面有镜，花花墙纸好适合打卡。牛油果蟹肉凯撒沙律沙律菜好新鲜，配上凯撒沙律，酱汁好开胃。主角牛油果同蟹肉，份量也唔少，一齐食好夹。烧鳗鱼滑蛋盖意式红饭红曲饭比一般米饭有口感，是健康之选。铺上滑蛋，增添了色彩和层次，滑蛋煮得好滑。主角鳗鱼好厚肉，份量足。白酒牛油汁蚬肉扁意粉好香牛油味，蚬肉份量多而且蚬肉大只同新鲜。扁意粉同样份量足，唔会太多酱汁黐住，感觉吾油腻，又唔会太干，做得唔错。单骨蜜糖芥末鸡翼新鲜炸起，非常香脆，皮好香口，芥末酱唔会好辣。由于鸡翼已切开一半，容易上口，唔会食得论尽。士多啤梨焦糖脆脆梳乎厘班戟卖相好靓，打卡之选，有士多啤梨同焦糖脆脆做伴碟。色彩丰富。疏乎厘班戟非常松化，弹吓弹吓，食落软绵绵唔会太甜，配上蜜糖脆脆，增添了层次，口感丰富，值得推介。