新泰東南亞餐廳

营业中

休息中

今日去到一間尖沙咀嘅泰國餐廳，佢就喺K11，地鐵站行過去，只需要5分鐘，一入到去已經俾個門口吸引，由泰國嘅篤篤車，唔使等位就可以入去，原來下面嘅餐廳都好大，充滿泰國風味。今日食咗個鴨肉生菜包，生菜好新鮮好爽脆，平時食開都係豬肉，今次試吓食鴨肉，食落一啲都唔肥膩，感覺新鮮！之後嗌咗個冬陰功湯，因為兩個人食，份量啱啱好，材料十分豐富，個味道酸酸甜甜，少少辣，最好就係用嚟開胃菜，仲有隻大蝦！之後仲食咗個燒春雞飯，燒雞啲肉非常嫩，一切就開，雞入面讓咗黃油飯，吸收晒雞嘅精華，好好食，飯桶一定要食，啲雞雞味濃，雞皮脆，食吓食吓就食晒，仲有啲木瓜絲沙律，炸過嘅，點少少酸汁，好過癮！依間餐廳地點方便，價錢合理，份量多，仲有位打卡，好適合Gathering，小妹會再encore！