嘉寶漢堡 (已搬遷) 新店位置

位於尖沙咀一個唔起眼既街角，舖面唔大，只有大約十幾個堂食位置。Menu選擇多，價錢亦唔貴。叫左一個凱撒雞扒堡同蜜糖芥末菠蘿牛堡，跟餐要薯條同薯格。凱撒雞扒堡食落有雞扒凱撒沙津有九成相似，麵包烘得好脆，感覺似食緊沙津上面既麵包粒，雞扒唔乾，但唔算好滑，菜亦都好新鮮同多菜，整體黎講個包食落比一般漢堡包冇咁「漏」，酸酸地咁幾清新。蜜糖芥末菠蘿牛堡就比較濃味，塊牛亦好厚身，但平身牛味唔係好出，個醬咁濃，反而個醬既味做左主角。但不得不說個醬同菠蘿加埋真係好match，雖然食落冇乜牛味，但呢個價錢咁既質素已經係超級值。跟餐只需加15蚊就有小食同飲品，薯條同薯格份量好多，亦好脆，唔會淡哂，好食！總括黎講餐牌選擇多，質素用料算唔錯，平民既價錢，推薦！