鳴門割烹料理 (已結業)

對一般放題嘅印象係雖然可以任飲任食，但係食物質素比較參差，而且座位坐得好迫夾 。識飲識食嘅朋友今天帶咗我去鳴門割烹料理，佢哋嘅週末半自助放題食物質素好高，每樣嘢都係廚師嘅精心炮製，無粗製濫造。環境亦非常好，落地玻璃窗可以見到出面嘅花園，一邊食一邊欣賞師傅喺度做刺身壽司🍣🍙。成人每位$208，另加一，包括一個自選嘅主食，再任食沙律，刺身，壽司，串燒 及飲品，一定吃得飽。主食我哋揀咗三色丼同帆立貝海鮮丼，刺身非常新鮮，味道鮮甜，單是主食都值回票價。每位送磯燒鮑魚，刺身擺盤精美。店員服務勤快，不時會加茶同收碟，性價比好高。