NINETYs (K11購物藝術館) (已結業)

之前試過元朗嗰間Ninetys，印象唔錯。知道尖沙咀都開咗一間，今次就過嚟試吓。尖沙咀分店裝修更靚更有格調，雖然張枱唔算好大，但係枱同枱之間都有距離，都唔算好侷促。午餐可以俾你揀4,5或6個sides，我揀咗龍蝦配熱情果芥茉醬、非洲烤魚、蟹膏炒蛋和雜菌沙律，我朋友就揀咗醉雞腿、羊奶烤粟米、麵豉炒蛋和烤牛油果。烤龍蝦肉質彈牙鮮甜，仲好多膏添，配埋佢個特製醬汁好夾，非洲烤魚表面烤得好脆好香口，魚肉唔會好鞋，蟹膏炒蛋口感嫩滑又蛋香，蟹味同牛油味都好濃好好味！我朋友個麵豉炒蛋都好濃蛋味同麵豉味，不過我鍾意我嗰個多啲。醉雞腿肉質冇我想像中咁滑，味道有少少苦澀，唔係太啱我口味，牛油果配青檸不過不失。呢度嘅咖啡可以揀fruity或choco, 我係鍾意choco 偏nutty。呢度嘅咖啡係高品質嘅，係成餐飯嘅靈魂！以後又多一個地方飲咖啡