極品煮意 鷄煲.烤魚.火煱 (已結業)

之前聽朋友講呢間餐廳CP值幾高，今日過來順便一試。如圖，佢係唔同時間會有唔同嘅價錢，今日假日收費就係$178+10，未計加一。一入到去foodpigss🐷🐷就揀左極品雞煲，係等佢上雞煲嘅同時，我就去左熟食區搵食，入面有唔同嘅前菜，包括青瓜，炸野腸仔，同埋糖水等等。雖然普通，但係味道十分唔錯，絕對唔會係過夜同埋係岩岩炸出來。拎完冇耐熟食都未開始食，雞煲就上到了。雞煲份量十足，而且十分香口，估計係香料十分足夠，有少少麻，食得十分過癮。食完後就自己拎旁邊嘅湯倒入去，呢個時候當然去配個醬料，當然唔少得蒜泥同埋炸蒜豉油啦。火鍋配料方面，除左肥牛豬豚肉或魚類，呢到係自己夾嘅，種類都幾多，包括有唔同嘅丸同埋菜。保冷都做得幾下，D菜十分新鮮。飲品方面，有冇酒精都係任拎，呢到比較有特色嘅就係自製餃子，豆漿同埋甜品。每樣試少少都可以食得十分飽。