翔壽司 (已結業)

香港比較少立食壽司🍣店，估唔到係尖沙咀新開左一間，今日就抱住試下新野既心態黎試下。店鋪位置都算易搵，大大隻字寫住店鋪名字。鋪內環境就好似圖所示，都係以立食設計。以下係menu同我今次叫既食物啦。我選左十件壽司🍣，質素都好高，我主要講幾種比較特別/好味既。火炙鰈魚邊壽司： 呢個好岩我口味，燒完魚油味好香，迫哂出黎，好味！甜蝦/赤蝦壽司： 平時食有關蝦既壽司，成日都食到好細隻蝦既情況，攪到好似食飯多過食壽司。今日呢到無呢個問題，大大隻蝦之餘，爽口新鮮同埋有蝦既甜味。辣味吞拿魚壽司： 香港比較少地方都有食，通常都係辣味三文魚，原來辣味吞拿魚都好好食😁。另外，我地叫左 大吞拿魚魚腩伴紫菜同埋鰻魚手卷。大吞拿魚腩伴紫菜：呢個可以話係必食！！大吞拿魚腩魚油香好出，加上薄荷葉同埋炭鹽，呢個配對好refreshing 之餘都平衡左整個調味，好正！！鰻魚手卷： 即叫即燒鰻魚，熱辣辣好味，鰻魚食落質地一d都唔un，鰻魚汁又惹味。