上到去覺得環境幾好，另外可以book房，仲有得打麻雀😈😈，不過我地今次得3個人，下次先🥳🥳
叫左個上湯焗龍蝦加伊麵，勝瓜肉丸大蜆湯，黑胡椒炒蟹膏，3個人，唔夠再叫。
好彩叫左唔多，如果唔係真係食唔哂，佢地啲菜份量真係幾足
龍蝦伊麵一大碟，係盤，唔係碟！！！真係成隻龍蝦😱😱咬落新鮮又彈牙。伊麵加埋龍蝦汁，味濃好食。一碗伊麵一舊龍蝦，一流👍👍👍
餐廳推介左魚湯勝瓜肉丸浸大蜆。乳白色既魚湯好鮮甜，又冇嗰浸魚腥味。肉丸彈牙又好味，蜆肉大隻又入味，點啲辣椒油，yummy😋😋😋
本來想叫荷葉蒸蟹，但因為叫左龍蝦伊麵，所以叫左黑胡椒炒蟹膏。蟹肉真係好好味，黑椒味又冇搶到蟹味，食到連殼啲汁都要啜埋🤣🤣🤣🤣個人最推薦👍👍👍👍👍
