小豆島日本料理 (已結業)

天水圍新開左壽司郎掀起左陣壽司熱潮，其實天水圍都有好多有水準嘅街坊壽司店，仲要最近做緊星期一至五晚市半價，真係好抵食！🔸刺身(三文魚腩、油甘魚、甘海老、带子)首先要讚下三文魚腩係勁厚切充滿魚油香，甘海老都叫大隻，食落又甜又彈牙。油甘魚食落魚味濃但冇甘油，带子新鮮鮮甜。🔸壽司(6吋三文魚、火炙三文魚腩、北寄貝、甘海老、鰻魚、火炙左口魚邊、七味火炙鱈場蟹、火炙柚子胡椒帆立貝）6吋三文魚真係好鬼長🍣上枱好有霸氣，我呢d三文魚怪至愛！北寄貝同甘海老都好新鮮不過不失。火炙系列我最中意係左口魚邊，燒得又香口魚油逼晒出黎。另外要推介下柚子胡椒帆立貝，柚子同胡椒味好balance，第二度真係食唔到！🔸軍艦壽司(三文魚籽、香蔥吞拿魚腩碎、海膽、蟹籽)軍艦方面最愛係三文魚籽同海膽，三文魚籽閃令令卜卜脆，海膽唔醒又甜，下面仲墊左少少青瓜絲夠清新！🔸鐵板牛舌牛舌係厚切用黑胡椒香煎，食完甘多壽司，食返d熱辣辣鐵板小食真係好爽，牛舌咬落好juicy，調味又唔太咸。