影片
更多
2022-12-01
21 浏览
咁岩有朋友住喺將軍澳，又有時間穩佢食飯，加上呢個openrice 嘅評價又幾唔錯，就簡咗呢間一人火鍋鋪食dinner。呢間鋪嘅位置都好寬敞，坐得都幾舒服；可能因為天氣凍翻，都幾多人幫襯呢間餐廳。1.招牌臭臭鍋本身見到臭臭鍋，都expect佢會有好大陣臭豆腐味，但係呢間嘅臭臭鍋雖然聞落唔係好大陣味，但係湯底食落都好濃味，啲餸嘅份量都好多，牛肉片都食到差唔多六塊，仲有好多配料，好似豆腐、豬紅、豬腸......，都食到好飽肚。2.泰式海鮮鍋呢個煲唔會比臭臭鍋遜色，可能呢個煲嘅味道係冬陰公味，味道酸酸辣辣，好開胃，而煲入面嘅海鮮都幾豐富，都有幾隻蝦同青口；食到中間倒埋啲白飯落個煲到變冬陰公湯飯，味道都幾唔錯，大家都可以試下！3.鹽酥雞扒 & 鹽酥花枝丸一開頭驚食唔飽，就叫多兩個鹽酥系列嘅小食，都幾好味！一開頭都好驚鹽酥雞扒炸到好乾身，點知外皮炸到脆卜卜之餘，入面嘅肉都好juicy同嫩滑，份量仲要都好多，起碼有十舊。鹽酥花枝丸嘅味道就不過不失，一碟有六粒，每粒都炸到外皮脆，內裡彈牙。4.滿杯百香果 & 百香果綠妍兩杯都係百香果系列，個樣都好似，杯入面都有好多百香果果肉，不過滿杯百香果嘅果味濃過百
1.招牌臭臭鍋
本身見到臭臭鍋，都expect佢會有好大陣臭豆腐味，但係呢間嘅臭臭鍋雖然聞落唔係好大陣味，但係湯底食落都好濃味，啲餸嘅份量都好多，牛肉片都食到差唔多六塊，仲有好多配料，好似豆腐、豬紅、豬腸......，都食到好飽肚。
2.泰式海鮮鍋
呢個煲唔會比臭臭鍋遜色，可能呢個煲嘅味道係冬陰公味，味道酸酸辣辣，好開胃，而煲入面嘅海鮮都幾豐富，都有幾隻蝦同青口；食到中間倒埋啲白飯落個煲到變冬陰公湯飯，味道都幾唔錯，大家都可以試下！
3.鹽酥雞扒 & 鹽酥花枝丸
一開頭驚食唔飽，就叫多兩個鹽酥系列嘅小食，都幾好味！一開頭都好驚鹽酥雞扒炸到好乾身，點知外皮炸到脆卜卜之餘，入面嘅肉都好juicy同嫩滑，份量仲要都好多，起碼有十舊。鹽酥花枝丸嘅味道就不過不失，一碟有六粒，每粒都炸到外皮脆，內裡彈牙。
4.滿杯百香果 & 百香果綠妍
兩杯都係百香果系列，個樣都好似，杯入面都有好多百香果果肉，不過滿杯百香果嘅果味濃過百香果綠妍個杯。兩杯嘅味道都唔錯，值得稱讚嘅係叫少冰少甜，餐廳又真係有做到！
张贴
