影片
更多
2023-02-08
53 浏览
口痕好想食熱氣野，同完朋友係旺角行到攰攰地就入咗呢間串燒店試下🔥夜晚7點幾多人排隊，排左10分鐘就入到去。一打開餐牌原來串燒都幾抵食，大概10幾蚊就有一串，order左10幾串再加1大枝Arashi都係$300頭🔥好抵食！朝日啤酒 $32 （大樽）平時喺其他餐廳叫細樽裝麵幾貴下，而家喺度買同超市既價錢差吾多🥃超級抵！日本芝士年糕 $12外面好似饅頭，但輕輕一咬濃濃既芝士係入邊流出來，好滿足👍🏻牛柳串 $18覺得大家可以嗌安格斯嗰隻，呢個好牛柳串比較乾身，冇安格斯咁Juicy雞軟骨 $16爽爽脆脆，調味都啱啱好，之前食過出面其他串燒店直程係冇味，呢個唔會太鹹或者冇味！讚！羊肉串 $18呢個幾有驚喜，本身朋友係唔食羊肉串驚有驙味，但呢個羊肉串油脂豐富，可能因為香料用得適宜，蓋過左羊肉本身陣驙味！最尾朋友食咗都接受到！燒菠蘿 $16一上台就已經好細心幫忙切好咗，好似一個西瓜甘一格格咁俾你叉緊食✨菠蘿好甜，燒到有少少焦好惹味🫶🏻調味粉亦都唔會蓋過本身波羅天然嘅甜味！推薦！炸豆腐 $16通常出面食嘅炸豆腐入邊都好乾，呢個炸完竟然入邊保留到水份😌燒茄子 $36好大條，蒜蓉仲多過茄子肉🤣蒜蓉燒蠔 $
夜晚7點幾多人排隊，排左10分鐘就入到去。一打開餐牌原來串燒都幾抵食，大概10幾蚊就有一串，order左10幾串再加1大枝Arashi都係$300頭🔥好抵食！
朝日啤酒 $32 （大樽）
平時喺其他餐廳叫細樽裝麵幾貴下，而家喺度買同超市既價錢差吾多🥃超級抵！
日本芝士年糕 $12
外面好似饅頭，但輕輕一咬濃濃既芝士係入邊流出來，好滿足👍🏻
牛柳串 $18
覺得大家可以嗌安格斯嗰隻，呢個好牛柳串比較乾身，冇安格斯咁Juicy
雞軟骨 $16
爽爽脆脆，調味都啱啱好，之前食過出面其他串燒店直程係冇味，呢個唔會太鹹或者冇味！讚！
羊肉串 $18
呢個幾有驚喜，本身朋友係唔食羊肉串驚有驙味，但呢個羊肉串油脂豐富，可能因為香料用得適宜，蓋過左羊肉本身陣驙味！最尾朋友食咗都接受到！
燒菠蘿 $16
一上台就已經好細心幫忙切好咗，好似一個西瓜甘一格格咁俾你叉緊食✨菠蘿好甜，燒到有少少焦好惹味🫶🏻調味粉亦都唔會蓋過本身波羅天然嘅甜味！推薦！
炸豆腐 $16
通常出面食嘅炸豆腐入邊都好乾，呢個炸完竟然入邊保留到水份😌
燒茄子 $36
好大條，蒜蓉仲多過茄子肉🤣
蒜蓉燒蠔 $32
有酒店級嘅水準，食落去有鑊氣！蠔隻好飽滿✨
朱古力香蕉 $18
食完咁多串燒決定叫個甜品，香蕉暖暖地，夾埋朱古力醬好夾，再灑上大量糖果碎片，好岩小朋友食！
张贴
