金滿象正宗泰國菜

营业中

休息中

泰式蝦柚子沙律走辣❤️柚子嘅清甜同蝦嘅鮮味真係好夾，啲蝦又大隻又彈牙，配埋酸酸甜甜嘅柚子同沙律汁，真係開胃到不得了！明爐香檸汁蒸烏頭❤️烏頭肉質嫩滑，香檸汁湯頭酸酸咪咪，帶有淡淡嘅香茅味，完全辟走咗魚嘅腥味，仲提升咗魚嘅鮮味。最緊要大大條，食得好滿足。椰子油蝦球炒❤️少油 少鹹椰子油炒椰菜❤️餐牌有一頁係主打健康菜色，椰子香氣撲鼻，蝦球同蔬菜用椰子油炒過之後，多咗一份椰香味，食落口又爽又彈牙又清甜，真係好好味！而且，師傅真係好有心，少油少鹹都做得好好，食落一啲都唔覺得油膩或者太鹹，啱晒我呢啲注重健康嘅人！濕炒雞肉河❤️好夠鑊氣，雞肉又滑又嫩，配埋結撻撻既芡汁，真係好好味！同埋真係好大碗，好抵食