海鮮丼屋政 (已結業)

尋日夜晚喺中環行緊街，正諗緊食咩好嘅時候，我就見到呢間海鮮丼屋 政，當我一入到鋪頭嘅時候，啲侍應火速遞上茶同埋Menu俾我，睇落啲價錢又OK，於是我就叫左帆立貝，甜蝦，三文魚丼定食（$138），定食入面有帆立貝，甜蝦，三文魚丼，蒸雞蛋，麵豉湯同埋沙律。當我食第一啖飯嘅時候， 刺身好新鮮，三文魚腩一咬落去嘅時候三文魚油即刻咇晒出嚟，個感覺好正，另外啲飯嘅醋同飯比例啱啱好，呢間同我平時食嘅海鮮丼飯好唔同，蒸雞蛋嘅蛋味好足，又啱啱好夠味，唔需要再落豉油。到埋完單，啲侍應，即刻幫我地開門，仲講咗聲下次記得再嚟幫襯。感覺好nice