富盈火鍋雞煲專門店 (已結業)

近來疫情稍有緩和，加上好耐無食過雞煲韓燒，就約左朋友出黎食返餐，依間係我真心要推薦的一間，首先個環境好大，座位好寬敞舒適同埋冷氣足夠，服務亦都好殷勤，最緊要係價錢不用$200就可以任飲任食雞煲＋韓式烤肉，一次滿足兩個願望，食物種類款式都算係幾多，海鮮、火煱配料、肉類、蔬菜、丸類夾埋超過70款配料可以選擇，前菜、冷盤、湯都有，飲品款式多元化，汽水啤酒茶都有，仲有甜品及雪糕，性價比極高！雞煲：叫左BB辣，雞好新鮮，肉質嫩滑不鞋，骨亦不多，非常滿意！侍應間中會睇下我地個雞煲狀態，非常細心！韓燒板放隔油紙，令食物無咁易燶，依方面餐廳考慮得非常周到！牛柳粒夠軟唔靭，醃得夠味，好味有驚喜！醃過的雞肉串食到津津有味！菠蘿好甜超推薦！仲有日本小蕃薯，燒一燒一口一粒好滿足！蔬菜非常新鮮！