泰玖 (已結業)

放工與男友經過，咁啱又想食泰國菜，所以我地又一齊去試新野，餐廳裝修走工業風，樓高兩層，空間寬敞。泰式臘腸炒飯飯粒炒得好香而且鬆軟，加入臘腸、蔥花、胡蘿蔔和豌豆等蔬菜，口感更豐富。泰式青咖喱牛腩一上枱就聞到好濃郁的咖喱味道，裏面的份量都相當多，牛腩炆得剛剛好，好入味，配搭埋茄子、青椒和洋蔥等，真係非常下菜，好惹味。泰式馬拉盞炒通菜通菜加埋啲馬拉盞黎炒，有些微辣的味道，但對於我一個平日不愛吃辣的人來說，也是非常能夠接受，非常開胃。雖然天氣都涼了不少，但我地都忍唔住點左杯士多啤梨活性乳酸菌沙冰，沙冰以新鮮的士多啤梨和益力多為基礎，加入了甜蜜的糖漿和冰塊。士多啤梨的酸甜和益力多的濃郁味道，真係好夾。這間泰國餐廳都好有驚喜，而且CP值高，扺食夾大件，價錢好親民貼地，見到佢都有做午市套餐，下次有時間一定要黎多次試下。#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處