影片
更多
2018-01-16
144 浏览
幾日前同朋友講開，佢問我食過泰國打邊爐未？下？泰國打邊爐？咁新奇？即刻要嚟會一會佢先得喇！呢度係任食火鍋，都有唔少食物種類可以選擇！湯底有四款，加$20就可選鴛鴦湯底。我哋呢啲心多嘅香港人，點會慳嗰$20 湯底揀咗佢哋嘅招牌冬陰功同埋香噴噴椰雞湯。冬蔭功湯底味道夠濃，不過就唔辣嘅，入面有啲九層塔、蝦、蜆、草菇同蕃茄，好足料㗎都；椰雞湯底就清甜同埋椰香味好勁，入面有椰子肉仲有啲雞，一定要飲返啲湯先呀！坐底未有嘢食又好肚餓？唔緊要，因為佢哋都有啲小食比客人㗎！呢晚就有魚香茄子、肉碎生菜包、炒豬頸肉、青木瓜沙律、肉碎沙律、咖哩角、豬紅、蝦片、魚皮同飯焦。真係食呢啲都夠飽呀！食物方面就正常啦，佢仲有啲Mama麵呀，金邊粉揀，加埋個湯底真係正㗎！佢哋亦都有唔少調味嘅配料，用嚟加落去個金邊粉度一流呀！唯獨呢個泰式黃金袋真係好似少少怪，見隔離枱話熱辣辣好脆，所以就叫嚟試下啦！點知嚟到係凍冰冰，我又驚唔知係唔係要碌下先食得，一放落湯拎返上嚟糊哂，入面嘅餡唔知咩嚟呢下次問下啲店員點食先得！值得一提係飲品都係任飲㗎！多款選擇，任你揀！最後，仲有啲甜品嘅，但真係太飽所以無食到。下次同多啲朋友嚟再食過先得**
呢度係任食火鍋，都有唔少食物種類可以選擇！湯底有四款，加$20就可選鴛鴦湯底。我哋呢啲心多嘅香港人，點會慳嗰$20 湯底揀咗佢哋嘅招牌冬陰功同埋香噴噴椰雞湯。冬蔭功湯底味道夠濃，不過就唔辣嘅，入面有啲九層塔、蝦、蜆、草菇同蕃茄，好足料㗎都；椰雞湯底就清甜同埋椰香味好勁，入面有椰子肉仲有啲雞，一定要飲返啲湯先呀！
坐底未有嘢食又好肚餓？唔緊要，因為佢哋都有啲小食比客人㗎！呢晚就有魚香茄子、肉碎生菜包、炒豬頸肉、青木瓜沙律、肉碎沙律、咖哩角、豬紅、蝦片、魚皮同飯焦。真係食呢啲都夠飽呀！
食物方面就正常啦，佢仲有啲Mama麵呀，金邊粉揀，加埋個湯底真係正㗎！
佢哋亦都有唔少調味嘅配料，用嚟加落去個金邊粉度一流呀！
唯獨呢個泰式黃金袋真係好似少少怪，見隔離枱話熱辣辣好脆，所以就叫嚟試下啦！點知嚟到係凍冰冰，我又驚唔知係唔係要碌下先食得，一放落湯拎返上嚟糊哂，入面嘅餡唔知咩嚟呢下次問下啲店員點食先得！
值得一提係飲品都係任飲㗎！多款選擇，任你揀！
最後，仲有啲甜品嘅，但真係太飽所以無食到。下次同多啲朋友嚟再食過先得
**兩日後同朋友再去一次**
點個樓面廚房都唔夠人，加單時等咗二十分鐘都無嘢食，要食炸魚皮同蝦片充飢！外面小食亦都無乜refill，新開業，就比多次機會佢進步啦！
张贴
