先上刺身，無expect過海鮮店嘅日式刺身既質素都唔錯，夠新鮮，又鮮甜， 帶子同中toro都好好食，三文魚腩都唔錯。
跟住上左個避風塘鮮魷，外面好鬆脆內好嫩😋
第一輪蒸海鮮，一上台，鮑魚雖然已經劏左但仲識得郁😮
蒸完之後海鮮無咩縮水，帶子好大飯好厚肉，好彈牙同埋鮮甜； 鮑魚蒸既時間岩岩好所以一樣鮮甜彈牙。我地食既果一餐包兩隻大花竹蝦，呢隻size街市一斤都要$240-$280一斤(5隻左右）。
第二輪食蟶子皇！蒸3分鐘左右就ok!蟶子都係好高質，好大隻好甜！
跟住就食搞口同埋蠔，呢兩樣都係好新鮮，甜到汁都唔好放過要飲埋！
跟住食蒸蟹，隻蟹靚到傻，勁多羔！
食左幾輪海鮮，開始飽飽地，本身對於呢一輪無咩期望，諗住隨便食一兩舊雞。點知個烏冬先正。索晒蟲草花蒸雞既味同埋有荷葉既清香，食到我地停唔到口。好好食呢個一定要試！
最後就係佢個粥，索哂啲海鮮精華 冇得輸！
小漁港有自己既魚缸，食住原同既海鮮，難怪我地食既海鮮咁新鮮，有別於其他一d蒸海鮮小店。下個月一定再嚟食！
