由於呢間野好旺，平時都比較難食到，趁今日專程黎食就試多啲野。我地一去到，職員都比兩杯甜既凍茶，係炎熱嘅天氣真係透心涼！
兩個人食左6樣野，分別係馬拉盞炒通菜，燒豬頸肉，冬陰功湯，海鮮粉絲沙律，炒金邊粉，同埋芒果黑糯米飯。
馬拉盞通菜好香好正
下次一定會再食，好耐冇食過咁有鑊氣既馬拉盞炒通菜。燒豬頸肉都好香燒既味道，一定唔係煎式烤焗出黎，配埋個醬更加野味
冬陰功湯就不過不失，我自己就唔係好食得辣，所以都覺得好辣，個湯有好多菇同幾粒蝦，蝦就應該就係雪藏蝦，但39蚊一碗我都覺得係物超所值
海鮮粉絲沙律對我黎講都係好辣
但味道上都係好食，好吸引！原本我地想叫燒牛肉沙律，但原來燒牛肉沙律只有晚市先有:(炒金邊粉就係加單，都唔記得影相，但唔好食
最後係芒果黑糯米，18蚊，一人份量，正
